მთავარი
საქართველოს ტექნიკური უნივერსიტეტისთვის პრიორიტეტულია ახალი თაობისთვის უმაღლესი განათლება ხელმისაწვდომი გახდეს, ამისათვის კი მნიშვნელოვანია ახალგაზრდების მზაობა ეროვნული გამოცდებისთვის. ჩვენ ვთვლით, რომ გამოცდა არ უნდა იწვევდეს ახალგაზრდებში შიშს ან/და დაბრკოლებას, ამიტომ სტუ აბიტურიენტებს სრულიად უსასყიდლოდ სთავაზობს მოსამზადებელ ონლაინ კურს STEM (S-მეცნიერება; T-ტექნოლოგია; E-ინჟინერია; M- მათემატიკა) საგნებში, 2 მოდულით:
I. მათემატიკა + ფიზიკა | II. მათემატიკა + ქიმია
საქართველოს ტექნოლოლოგიური უნივერსიტეტის პროექტი განკუთვნილია სხვადასხვა ქალაქებისა და რეგიონების საჯარო სკოლების დამამთავრებელი (XI – XII) კლასების მოსწავლეებსა და 20 წლის ჩათვლით სკოლადამთავრებულ იმ მოქალაქეებს, რომლებიც არ სწავლობენ უმაღლეს საგანამანათლებლო დაწესებულებებში. რეგისტრაცია- STEM საგნები წამყვანია საქართველოს ტექნიკური უნივერსიტეტისთვის, ჩვენი პროფესიები კი ძალიან მოთხოვნადია შრომის ბაზარზე.
- ჩვენი დიდი სურვილია, პირველ რიგში, იმდენად კარგად შეგასწავლოთ მატემატიკა, რომ ეროვნულ გამოცდებში წარმატებით გადალახოთ ბარიერი და ჩაირიცხოთ საქართველოს ტექნიკურ უნივერსიტეტში.
- ასევე, ვფიქრობთ, მათემატიკასთან ერთად შეგასწავლოთ STEM-ის კიდევ ერთი საგანი: ფიზიკა ან ქიმია, რომელიც აუცილებლად გამოგადგებათ საქართველოს ტექნიკურ უნივერსიტეტში სწავლისას.
უფასო მოსამზადებელი ონლაინ კურსების დაწყების თარიღს რეგისტრირებულ აბიტურიენტებს ინდივიდუალურად შევატყობინებთ ელექტრონული ფოსტის და/ან sms-შეტყობინების მეშვეობით.
ორივე მიმართულების უფასო მოსამზადებელი ოლაინ კურსები საუნივერსიტეტო პლატფორმაზე ჩატარდება წინასწარ შედგენილი ცხრილის მიხედვით, კვირაში 2-ჯერ. თითოეული ლექციის ხანგრძლივობა იქნება 2 საათი.
უფასო მოსამზადებელი ოლაინ კურსები აბიტურიენტებს ჩაუტარდებათ Zoom-ის პლატფორმაზე.
საქართველოს ტექნიკური უნივერსიტეტის უფასო მოსამზადებელ ოლაინ კურსებზე დასასწრებად აბიტურიენტს არ დასჭირდება რაიმე განსაკუთრებული აღჭურვილობა. საჭიროა მხოლოდ: წვდომა ინტერნეტთან, კომპიუტერი ან სმარტფონი, ყურსასმენი, რვეული და კალამი.
- შეისწავლით მატემატიკას და STEM-ის კიდევ ერთ საგანს;
- წარმატებით დაძლევთ ეროვნულ გამოცდას მათემატიკაში;
- საქართველოს ტექნიკურ უნივერსიტეტში ჩაბარების შემთხვევაში, უფასო მოსამზადებელი ოლაინ კურსების ნებისმიერ მსმენელს ელის ბონუსი.
- თუ გექნებათ ცოდნა STEM საგნებში, გაგიმარტივდებათ სწავლა ტექნიკურ უნივერსიტეტში.